Friday , April 3 2020
Home / District-News / அ.தி.மு.க.வில் இருந்து பிரிந்து சென்றவர்கள் திரும்பி வந்தால் ஏற்றுக்கொள்வோம்: டி.டி.வி.தினகரன் பேட்டி

அ.தி.மு.க.வில் இருந்து பிரிந்து சென்றவர்கள் திரும்பி வந்தால் ஏற்றுக்கொள்வோம்: டி.டி.வி.தினகரன் பேட்டி

அ.தி.மு.க. துணை பொதுச்செயலாளராக கடந்த 15-ந் தேதி டி.டி.வி.தினகரன் நியமிக்கப்பட்டார். இந்த நிலையில் சென்னை ராயப்பேட்டையில் உள்ள தலைமை அலுவலகத்தில் அவர் நேற்று பொறுப்பேற்றார்.

அவருக்கு அ.தி.மு.க. எம்.பி.க்கள், எம்.எல்.ஏ.க்கள், முக்கிய நிர்வாகிகள் என அனைவரும் வாழ்த்து தெரிவித்தனர்.

அதைத்தொடர்ந்து அவர் நிருபர்களுக்கு பேட்டியளித்தார். அப்போது, அம்மாவின் (ஜெயலலிதா) ஆட்சி தொடர்ந்து நடைபெறும் என்பதை உறுதியோடு தெரிவிக்கிறேன் என்று கூறினார்.

இதையடுத்து நிருபர்கள் கேட்ட கேள்விகளும், அதற்கு டி.டி.வி.தினகரன் அளித்த பதில்களும் வருமாறு:-

கேள்வி:- சட்டசபையில் நடந்தது பற்றி மு.க.ஸ்டாலின், ஜனாதிபதியிடம் சொல்வதாக கூறி இருக்கிறாரே? அதை நீங்கள் எப்படி பார்க்கிறீர்கள்?

பதில்:- சட்டசபையை விதிகளுக்குட்பட்டு தான் சபாநாயகர் நடத்தினார். எதிர்க்கட்சி தலைவர் மு.க.ஸ்டாலின் எப்படியாவது அங்கே கலவரத்தை ஏற்படுத்தி ஆட்சியை கலைக்க வேண்டும் என்று முயற்சி செய்தார். அவருடைய முயற்சியை அ.தி.மு.க. எம்.எல் .ஏ.க்கள் அனைவரும் அம்மாவின் போர்வீரர்களாக ராணுவ கட்டுப்பாடோடு செயல்பட்டார்கள். தொடர்ந்து தமிழகத்திலே ஜெயலலிதாவின் ஆட்சி சீரோடும், சிறப்போடும் நடைபெறும்.

கேள்வி:- சசிகலா குடும்பத்தினர் அரசாங்கத்தின் மீது ஆதிக்கம் செலுத்துவார்கள் என்று மு.க.ஸ்டாலின் குற்றச்சாட்டு வைத்துள்ளார். குடும்ப உறுப்பினர்களின் ஆதிக்கம் இருக்காது என்று நீங்கள் சொல்ல முடியுமா?

பதில்:- மு.க.ஸ்டாலின் மாத்திரம் அல்ல. பல எதிர்க் கட்சிகள் இதுபோல் பொய் பிரசாரம் செய்து கொண்டு இருக்கிறார்கள். அ.தி.மு.க. ஆட்சி என்பது 1½ கோடி தொண்டர்களால் நடத்தப்படும் ஆட்சி. இதில் எந்த ஒரு தனிநபரோ குடும்பமோ என்றைக்குமே தங்களுடைய ஆதிக்கத்தை செலுத்தியதும் இல்லை. வருங்காலத்திலும் ஆதிக்கம் செலுத்த நாங்கள் விடமாட்டோம்.

About Ragavendhar

Check Also

Chariot from Tamil Nadu for Rama Navami Celebrations at Ayodhya

The wooden chariot built in Tamil Nadu is all set to go around the streets …