Friday , January 19 2018
Home / District-News / பேரம் குறித்து சிபிஐ விசாரணை நடத்த வேண்டும்: ஸ்டாலின் பேட்டி

பேரம் குறித்து சிபிஐ விசாரணை நடத்த வேண்டும்: ஸ்டாலின் பேட்டி

எடப்பாடி பழனிசாமி தலைமையிலான தமிழக அரசை கலைத்துவிட்டு எம்எல்ஏ.க்கள் பண பேர விவகாரம் தொடர்பாக சிபிஐ விசாரணை நடத்த வேண்டும் என தமிழக சட்டப்பேரவை எதிர்க்கட்சித் தலைவர் மு.க.ஸ்டாலின் வலியுறுத்தினார்.

சட்டப்பேரவையில் பேச அனுமதி மறுத்து அவையில் இருந்து வெளியேற்றப்பட்டதைக் கண்டித்து திமுகவினர் சாலை மறியலில் ஈடுபட்டடனர். கூட்டணி கட்சியான காங்கிரஸ் எம்.எல்.ஏ.க்களும் மறியலில் ஈடுபட்டனர். இதனால் காமராஜர் சாலையில் சில நிமிடங்கள் போக்குவரத்து பாதிக்கப்பட்டது. இதனையடுத்து ஸ்டாலின், துரைமுருகன் உள்ளிட்ட திமுகவினர் கைது செய்யப்பட்டனர். காங்கிரஸ் எம்.எல்.ஏ.,க்களும் கைதாகினர்.

கைது செய்யப்பட்ட பின்னர் செய்தியாளர்களிடம் பேசிய ஸ்டாலின், “எடப்பாடி பழனிசாமி தலைமையிலான தமிழக அரசை கலைத்துவிட்டு பண பேர விவகாரம் தொடர்பாக சிபிஐ விசாரணை நடத்த வேண்டும்.

ஏற்கெனவே நம்பிக்கை வாக்கெடுப்பு நடந்த தினத்தன்றே அவையில் ரகசிய வாக்கெடுப்பு நடத்த வேண்டும் என கோரிக்கை விடுத்தோம். எம்.எல்.ஏ.க்கள் கூவத்தூரில் கைதிகள் போல் அடைத்துவைக்கப்பட்டு குதிரை பேரம் நடந்தது என்று கூறினோம். ஆனால் அதை சபாநாயகர் ஏற்காமல் அன்றைய தினம் எங்களை கூண்டோடு வெளியேற்றினார். அது தொடர்பாக உயர் நீதிமன்றத்தில் வழக்கு தொடர்ந்துள்ளோம்.

அந்த வழக்குக்கு வலுசேர்க்கும் வகையில் ஆங்கில தொலைக்காட்சி அதிமுக எம்.எல்.ஏ.க்கள் குதிரை பேரம் தொடர்பாக வீடியோ ஆதாரத்தை வெளியிட்டுள்ளது. வீடியோவுக்கும் தனக்கும் எந்த சம்பந்தமும் இல்லை எனக் கூறிய எம்.எல்.ஏ. சரவணன் பின்னர் வீடியோவில் இருப்பது நான்தான் ஆனால் குரல் என்னுடையது அல்ல என்று கூறுகிறார். அவர் முன்னுக்குப் பின் முரணாக பேசி வருகிறார். இந்த ஆட்சியே குதிரை பேரத்தில்தான் நடக்கிறது.

இவற்றையெல்லாம் அவையில் எடுத்துரைக்கவே கவன ஈர்ப்பு தீர்மானம் கொண்டுவர கோரினேன். ஆனால், சபாநாயகர் அதை ஏற்க மறுத்துவிட்டார். சட்டப்பேரவையில் ஜனநாயகம் இல்லை. சட்டப்பேரவையில் எதிர்க்கட்சியினரை பேசவிடாமல் தடுத்ததோடு அவைக்கு குந்தகம் விளைவிப்பதாகக் கூறி எங்களை வெளியேற்றியுள்ளார்.

அதிமுக எம்.எல்.ஏ.க்கள் பண பேர விவகாரம் தொடர்பாக உயர் நீதிமன்றத்தில் வழக்கு தொடர்ந்துள்ளோம். வழக்கு வரும் 16-ம் தேதி விசாரணைக்கு வருகிறது. தேவைப்பட்டால் இவ்விவகாரத்தில் உச்ச நீதிமன்றத்தையும் நாடுவோம்” என்றார்.

தொடர்புடையவை
சட்டப்பேரவையில் இருந்து திமுகவினர் வெளியேற்றம்: ஸ்டாலின் தலைமையில் சாலை மறியல்
பண பேர விவகாரம்: கவன ஈர்ப்பு தீர்மானத்துக்கு சபாநாயகர் அனுமதி மறுப்பு; சட்டப்பேரவையில் திமுகவினர் அமளி

About Admin

Check Also

அகில இந்திய தெலுங்கு ஃபவுண்டேசன் நிழ்ச்சி மாற்றம்

அகில இந்திய தெலுங்கு ஃபவுண்டேசன் சார்பில் வருகின்ற பொங்கல் விழா 16ஆம் தேதி நடைபெற இருந்தது, இதனால் போக்குவரத்து பாதிப்பு …

Leave a Reply

Your email address will not be published. Required fields are marked *