Tuesday , September 25 2018
Home / State-News / தேசிய அளவிலான ரேலி ஆப் கோயமுத்தூர் 2017 மோட்டர் சைக்கிள் பந்தையம் ஜூலை 8 அன்று துவக்கம்

தேசிய அளவிலான ரேலி ஆப் கோயமுத்தூர் 2017 மோட்டர் சைக்கிள் பந்தையம் ஜூலை 8 அன்று துவக்கம்

தேசிய அளவிலான ரேலி ஆப் கோயமுத்தூர் 2017 மோட்டர் சைக்கிள் பந்தையம் வரும் ஜூலை 8 மற்றும் 9 ஆகிய தேதிகளில் கோவையில் நடைபெறவுள்ளது.
கோயமுத்தூர் ஆட்டோ ஸ்போர்ட்ஸ் கிளப் மற்றும் எம்.ஆர்.எப் டயர்ஸ் சார்பில் 2017-ம் ஆண்டிற்கான தேசிய அளவிலான மோட்டர் சைக்கிள் பந்தையம் பல்லடம் அருகேயுள்ள கேத்தனூரில் ஜூலை 8 மற்றும் 9 ஆகிய தேதிகளில் நடைபெறவுள்ளது.
 இது தொடர்பான பத்திரிகையாளர் சந்திப்பு கோவை பந்தய சாலையில் உள்ள  காஸ்மோ கிளப்பில்  நடைபெற்றது. அப்போது, இந்த பேட்டி ஒருங்கிணைப்பாளர்கள் ஜே.பிருதிவிராஜ், கே.சந்திரசேகரன் கூறிகையில்  பந்தயத்தின் மொத்த தூரம் 117.58 கிலோ மீட்டர். இரு பந்தய பிரிவுகளாக பிரிக்கப்பட்டு நடத்தப்பட உள்ளது.
இப்பந்தயத்தில்  50-க்கும் மேற்பட்ட பந்தய வீரர்கள் பங்கேற்க உள்ளனர். போட்டியாளர்களின் வாகன திறன் மற்றும் அமைப்பு ஆகியவற்றின் அடிப்படையில் 9 பிரிவுகளாக பிரிக்கப்பட்டுள்ளது. இது தவிர பந்தையத்தில் கலந்து கொள்ளும் தமிழக பைக் ரேஸ் வீரர்களுக்காக “ஸ்டார் ஆப் தமிழ்நாடு” என தனி பிரிவில் இப்பந்தயம் நடத்தப்படவுள்ளது.  பந்தயத்தில்  பங்கேற்க உள்ள வீரர்கள் இந்தியாவில் தயாரிக்கப்பட்ட வாகனம் மற்றும் வெளிநாட்டு வாகனங்களை பயன்படுத்துவர். இந்த பைக் ரேஸ் நடைபெற உள்ள பகுதிகளில் விபத்து ஏற்பட்டால் உடனடியாக அவசர உதவிகளை வழங்க பி.எஸ்.ஜி, ஸ்ரீ ராமகிருஷ்ண மருத்துவமனைகள் அவசர உதவி வாகனங்கள் மற்றும் பாதுகாப்பு ஏற்பாடுகள் செய்யப்பட்டுள்ளது” என தெரிவித்தனர்.

About Admin

Check Also

“கோவை விழா”- முதல்முறையாக “டபுள் டக்கர்” பேருந்து அறிமுகம்

கோவை மக்களின் பாரம்பரியம், கலாச்சாரத்தைப் போற்றும் பத்தாவது “கோவை விழா” கொண்டாட்டம்  கோலாகலமாக துவங்குகிறது.  மேலும், இந்த ஆண்டு முதல் …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.